Sølvgarden Hotell er det nyaste innan reiselivstilbod i Setesdal, og ligg strategisk plassert midt i dalen, der vegane mellom aust og vest (Oslo – Stavanger) og nord og sør (Kristiansand – Bergen) kryssast. Vertskap er familien Rysstad. Sølvgarden er ei familiebedrift som har fleire familiemedlem i jobb både på hotellet og på sylvverkstaden.

Når du fyrste gong ser Sølvgarden Hotell, minner det deg kanskje mest av alt om eit lite eventyrslott. Litt eventyr i kombinasjon med Setesdals kultur og tradisjonar gjev eit spennande interiør og spenstig utsmykking i god dialog med moderne fasilitetar som vi veit du set pris på. Hotellet har 23 rom; enkeltrom, dobbeltrom, familierom og ei flott tårnsuite fordelt på tre etasjer.

Sølvgarden ligg midt i Setesdal med kort veg til attraksjonar og aktivitetar. Det er ca. 10 min med bil til skieventyret i Brokke, og unike ruter for fjell- og isklatring. På Rysstad finn du mange turløyper for fot-, fiske- og sykkelturar.

“Vi tilbyr lyse og moderne rom med fri tilgang til internett, og TV på alle rom. Restauranten er open kvar dag, og serverer dagleg ein rikhaldig meny, frå det enkle til full à la carte meny. Vi legg stor vekt på mattradisjonar og lokal mat. Vi har alle rettigheiter. I den varme årstid er det mange som har uterestauranten – Smedens Terrasse – som sin favoritt. Hos oss finner du gode lokalitetar for møte, kurs og konferansar med alt nødvendig utstyr. Og flotte selskapslokaler til ei kvar anledning. Sylvsmedverkstaden vår vart i dag drive av 3. generasjon i familien med tilhøyrande utsal og gåvebutikk – Sylvbui.”

 

Sjå meir her: Sølvgarden Hotell og Feriesenter